Poi Kho Tuk Ee : Yinmabin Peng ah SAC ralhrang nih mipi sawh sawh pakhat cu a hngawng an tan pin ah khua pa (7) mei in an khangh piak hna ee

Sagaing ram then, Yinmabin Peng ah ralhrang nih mipi sawh sawh pakhat cu a hngawng an tan, pa (4) an tlaih tiah theih a si.

January 19 ni, Chin Twin rili in a ral mi ralhrang ti lawng cu Kyauk Hmaw khua ah ni (4) an riak, January (23) ah khua te pawl cu an luh hnawh hna, Sone Chaung chak lei um Than Pha Ya Pin Yoe khua um Mg Nay Tun cu ralhrang nih a lu le a kut an tan, Sone Chuang khua mi pa (4) zong an tlaih tiah an chim.

Ralhrang nih Kyauk Hmaw, Pan Thein Pyin, Inn Pat, Kyat Sha, Kyauk Kone, Naw Pin le Kyun Paw khua hna cu hram hram in mei an khangh tiah theih a si.