Good News : Khin-U Peng ah mipi sin phaisa a hal mi SAC ralhrang Gate pakhat cu, PDF nih Drone in an phomh hna, ralhrang minung 16 an thi, pa (24) hma an pu

22.9.2022 chun hrawng, Sagaing ram then, Khin-U Peng, SAC ralhrang Gate pakhat cu, PDF nih Drone in bom an puah hnawh ruang ah, ralhrang minung 16 an thih pin ah minung pa (24) hma an pu tiah theih a si.

Khin-U Peng, Myin Daung khua ni chuah lei Mu Tein Chaung pawng ah mipi sin phaisa a hal cuahmah mi SAC ralhrang cu PDF nih Drone in bom lung (9) kan thlak hnawh hna tiah Local PDF Khin-U lei nih an chim.

Ralhrang minung 60 hrawng cu mipi sin ah phai sa an hal lio, PDF i fonh phu nih Drone pa (6) in bom lung(9) kan thlak hnawh hna, Drone pa hnih cu a kan kah piak, mit hmuh bak ah ralhrang lei minung 16 cu an thi colh tiah an chim.

Be the first to comment

Leave a Reply

Your email address will not be published.


*