Poi Tuk Ee : Khin-U Peng ah SAC ralhrang nih tar pa pakhat hram hram in an kah that pin ah bazaar mei in an khangh piak hna

19.0.2022 ni, Sagaing ram then, Khin-U Peng, Ye U lam ah a kal mi SAC ralhrang minung 70 hrawng cu, bom an I pah hnawh sual caah, zei tuah ding theih lo tuk ah, zei sual nak a nei lo mi tar pa pakhat cu hram hram in an kah that pin ah lam thluan a um mi bazaar mei in an khangh tluahmah tiah theih a si.

Khin-U in Ye U a kal mi ralhrang minung 70 hrawng cu bom an I pah sual ruang ah, minung 15 hrawng an thi. A thai zing ah a thi mi ralhrang ruak an rak lap pah ah, tar pa kum 80 hrawng minung cu an kah that, buddih biak nak ti khor chung ah an thah mi tar pa cu an thlak beh.

Cun lam thlun a um mi bazaar cu an khangh thluahmah tiah mipi pakhat nih a chim.

September 13 ni zong ah Kan Thit khua pawng ah hraimnam ngan mi hman in an kah ruang ah mipi sawh sawh minung pa (2) an thi tiah theih a si.

Be the first to comment

Leave a Reply

Your email address will not be published.


*