Yesagyo Peng, Pakhainnge Palek Sakhaan PDF Ralkap I Fonh In An Lak

Yesagyo peng, Pakhainnge palek sakhaan cu nihin November 14 chun sml 1:00 hrawng ah mipi ralkap fonh nih an luh hnawh hna i an tuk, palek tampi an i hliam, an umhmun khuar riahbuk an zamtak tiah 27 Revolution Force MGN phu in Ko Zin Min nih a chim.

Sakhaan an laknak kahtuknak cu sml ,cheu tluk kaphnih an i kah hnu ah palek hna cu hliamtuar an tam caah an sakhaan an chuah tak tiah theih asi.

“Chun sml 1:15pm hrawng ah sakhaan hmai le hnu lei in kan kah hna, an thazaang hi minung 20 hrawng an si. Athi zat cu fianghlang in kan thei lo, kanmah nih kan serchuahmi 60mm, RPG hna an si, hliampu hna an lak hna i an kalpi hna ka hmuh ,”tiah Ko Zin Min nih a chim.

Sakhaan kahdohnak ah meithal 2, cycle 4, cun aherhmi catlap pawl kan hmuh hna , an sakhaan mei in kan kangh i kan hrawk tiah an chim. Hi konghe pehtlaiin palek in a thi le, hliampu kong fianghlang in kan theih kho rih lo tiah a biapeh ah achap.

Hi kahdohnak cu PDF-Yesagyo,Phoenix ralkap, 27 Revolution Force MGN le Thwaythauk Revolution Force hawikom pawl i fonh in an tuk hna hi asi.

# Mizzima

Be the first to comment

Leave a Reply

Your email address will not be published.


*