Palea- Gangaw Lampi Ke In A Rak Rami Ralhrang Bomh 35 In An Phomh Hna 35 Thi

Sagaing ramthen, Palea peng Palea- Gangaw lam Wanbeachain khuate pawng ke in arak rami SAC ralkap hna cu bomb 35 in an phomh hna i ralhrang minung 34 an thi, 30 hliamhma pu tiah mipi vengtu ralkap PRA thawngthanhnak tuanvo ngeitu pakhat a chim.

Nihin November 8 zinglei Suimilam 8:30 ah Sagaing ramthen, Palea peng Palea- Gangaw lampi Wanbeachain khuate pawng nichuah lei in ke in a rak rami SAC ralhrang thazaang 80 cu PRA, Palea- PDF – Headquarters le Guka phu i fonh in bomb 35 in an phomh hna , rallokap minung 34 an thi, 30 hliamhma pu tiah tuanvo ngeitu PRA pakhat nih a chim.Hi kahdohnak ah mipi ralkap lei in a thi le
hliampu an um lo tiah theih asi.# KTM

Kalay in laitlang ah a rak kaimi SAC mawtaw pawl cu PDF-Zoland le CDF-KKG(CDM Siyin) i fonh in November 8 ah sml 10:00 hrawng ah bomh in an phomh hna ralkap mawtaw a ngan mi 2, a fami 2 ai tel tiah theih asi.

An mawtaw a rawkmi tampi a um tiah theih asi, fianghlang in theih a si rih lo caah hlathlai lio a si. Ralhrang hna nih meithal kah thloh in an kah caah mipi hna umkal i ralrin dingin theihternak pek.

#ZFU/PDF Zoland

Be the first to comment

Leave a Reply

Your email address will not be published.


*