Than Soe Hlaing Cu Hriamtlai In Dothlennak Tel Ruang Ah An Fa Sinak In Hlawt

Mandalay ramthen, Meiktila khua in zalawnnak hmun ah a phan mi Pau Dothlennak ah raltuk ah a kalmi PDF ralkap Than Soe Hlaing cu a nulepa nih an fapa sinak in le a co dingmi ro hna an hlawt piak tiah a hawipa nih October 28 ah a chim.

“Athin lungput cu hi Pau Dothlennak caah lungthiang tein a tuah, a ro cu aduh tuk ko nain hi lam ka thim mi hi pehzulh ding lawng a tang,” tiah Than Soe Hlaing nih a hawi le sinah a chim.

Than Soe Hlaing i nulepa nih,” hi mipa hi nulepa nih chimhrimhmi zong a ngai lo, lungrawk in an kan chiah i amah duhnak tein inn in a chuak caah kan fa sinak in kan hlawt , amah kong he pehtlai in zeibantuk hmanh tuanvo kan la lai loh tiah,” ralhrang kuttang thawnglaknak ah a chim.

Ralhrang nih uknak lak hnu tuan tein in Meiktila ralhrang duhlonak langhternak ah a tel mi asi. Zauk phung duh in duhnak langhtermi hna cu ralhrang nih hramhram in kahthahnak an tuah hnu in April thla cheu hrawng in zalawnnak hmun ah a phak in hriam tlaih in doh dingah ai tel hi asi tiah a hawikom nih an chim.

Yangon, Mandalay,peng dang hna ah hi ralhrang doh ding in PDF ah ai tel mi mino hna cu an fa sinak in hlawt a si mi an tam ngai cang tiah theih asi.

Ref: Mizzima

Be the first to comment

Leave a Reply

Your email address will not be published.


*