Ralhrang Le Pyusawhtee Fonh Hna Cu Khin Oo (PDF) Nih Bomb In An Phomh Hna, Minung 60 An Thi, Tampi Hliamtuar

Sagaing ramthen, Khin Oo peng ah rallokap thazaang 200 le Pyusawhtee fonh hna cu nizaan oct 15 ah Khin Oo(PDF) nih bomb in an phomh hna i rallokap leiin minung 60 an thi, tampi hliam an pu tiah Khin Oo (PDF) nih cathanh an chuah.

Ralhrang le Pyusawhtee I fonh in khuate pawl chung ah an lut i tlaih khih an tuah hnu ah Khin Oo (PDF) le a hawi phu nih ral fir in bomb in an phomh hna, hmun riat in asi, bomb 20 in kan phomh hna tiah Khin Oo (PDF) nih ca an chuah.

Tuzing zong ah Khin Oo peng ah ralkap thazaang 100 hrawng nih khuate hna ah ke in kal in an luh hnawh hna tiah theih asi.An tuk hna hnu ah ruak pawl hna cu a tom tom in Khin Oo lei ah an kalpi hna, cun helicopeter hmang in tiram hlathlainak an tuah tiah theih asi.

Hi kapdohnak ah sualnak ngei lo mipi 21 an tlaih hna , PDF le an hawi phu leiin hliampu an um lo tiah PDF nih an langhter.

Ref: Ayeyarwaddy Time

Be the first to comment

Leave a Reply

Your email address will not be published.


*