KIA/PDF Fonh In Nihnih Chung Kahnak ah Rallokap Leiin 40 An Thi, Ralhriam Tam Taktak An Lak

Sagain ramthen, Pinlaybu ah KIA, PDF i fonh in ralhrang kar nihnih chung kahdohnak ah rallokap lei in 40 an thi, ralhraim tam taktak an lak piak hna tiah NUG nih nihin ah athanh.

Sagaing ramthen, Pinlaybu peng Innga khuate le Sataungpone khuate karah ralhrang thazaang 100 hrawng le KIA nih a hruaimi Kawlin,Wantu,Pinlaybu (PDF) hna nihin sep, 24 sml 11:50 ah kahnak achuak i ralhrang leiin 25 lengkai an thi, hliamtuarmi tampi an um, Pinlaybu-PDF in 5 thinphan tuk lo hlaim an pu ve tiah NUH runvennak zung nih a chim.

Hi kahdohnak ah ralhrang hna a simi RPG 1, 60MM 1, cun a dang ralhriam zong am lak tiah theih asi.September 22 ah Pinlaybu peng Mu tiva hlei cung zongah ralhrang le Kawlin, Wantu, Pinlaybu-PDF karah kahnak a chuak, rallokap leiin 15 an thi, ralbawi 1 a el a kiak, ralhriam pawl an lak tiah NUG nih a langhter.


Pinlaybu kahnak ah ralhrang leiin a thimi cazin cu Sep, 22 le Sep, 24 ni nihnih chung ah kahnak ah rallokap 40 an thi tiah theih a si.

Ref: KhitThitMedia

Be the first to comment

Leave a Reply

Your email address will not be published.


*