Lungler i a hman mi Jet fighter konglam theih khawh tawk

Mah hi Jet hi tuni an hman mi kha si dawh a si. Chengdu J-7 / F-7 tiah timi a si. Russia nih China company a bawmh chom hnu ah China min hmang in ser mi a si. Hi nak chia deuh muisam ai khat nawn mi phun 2 an um rih. Cun hi nak ttha deuh Russia sin in a cawk mi Mig 29 le SU30 an um ve.

Vanlawng hi Meiktila in a rak zuan zumh a si. Meiktila in Lungler hi 352km hla hrawng a si. Tlun le kal he cun 704 lengkai hrawng a si. J-7 hi Combat range: 850 km (530 mi) tluk a si. Cucaah Meiktila in a ra lai i, Meiktila ah a kir kho tthan ti nak a si. Asinain Meiktila van ttum tthan awk ah KM tam a ngei ti lo i, sau ai helhum kho lai lo ti a fiang.

Sihmanhsehlaw Vanlawng nih hin guide missile or bomb a hmang kho ve lo. Meithal nai ngiat bantuk in Target kha ai ngait ve a hau ti nak si. Cucaah a target a nganh khawh ti a fiang. Hihi a derthawmnak zawn a si ti khawh a si.

J7 nih hin Meithal kuan 60 kap kho pahnih le Rocket 55mm a si mi voi 12 kap le 90mm a si mi voi 7 kap ai ken. Cun bomb hi kg 50-550 tluk rit mi tiang ai ken khawh. Cun air to air missile tu hi cu phun 7 hrawng ai ken khawh ve.

Hi kong ka ttial tikah tthihphaihnak caah siloin a kan kap tu vanlawng umtuning theih khawhnak caah a si. Cu kan theihnak nih cun zei ti tal i runvennak caah a tthahnem hnga maw ti ruahchannak he langhter mi a si ti kha rak theithiam ding ah kan nawl duh hna. Palh sualnak a um kho mi cungah ngaihthiam kan hal hna.

laaknak: suimilam page

Be the first to comment

Leave a Reply

Your email address will not be published.


*