Moeku Peng Chungah Kokanh ( MNDAA ) Le Ralhrang Kahdohnak Chuak

Shan ramkulh chaklei, Moeku peng in khaan riat thluk hlat ah tuzing ( 2021,9,7 ), sml 11:30 hrawngah ralhrang hna le Kokanh ( MNDAA ) karlak kahdohnak a chuak tiah kan theih.

Kahdohnak a chuah minute 10 hrawng asi hnu ah hriamngan puahkeh thawng cu Meoku khua ummi pakhat nih a chim.

“Chikhat cu puah thawng in ka theih, puahkeh thawng cu kaphnih kahdahnak le hriamngan thawng voihnih le meithal thawng ka theih, atu zong tlangcung in asi caah Moeku in khaan 8 tluk ah asi” asi tiah a chim.

Atu bantukin kahdohnak a chuah hi fianghlang tein theih asi rihlo i kan hlathlai cuahmah tiah The 74 Media nih a tial.

Moeku, phonsan hmun i Mankhun kiang zongah August 28 ni ah KIA le Kukanh i fonh in ralhrang hna kahdohnak a chuah caah ralhrang lei in tamtuk an thi.

Ref: The 74 Media

Be the first to comment

Leave a Reply

Your email address will not be published.


*