Min Aung Hlaing Kuttang Ralhrang Hna Dohding, Mizapi Dohthlennak Caah Thok Sinak NUG Acting President Chimmi Langhternak

Myanmar ramchung khuasa mi mizapi hna, a luancia 2021 February 1 in Min Aung Hlaing hruaimi ralhrang phu hna nih, mizapi thimmi Democracy Cozah cu an lak i uknak an kan chuh.

Cuti ralhrang nih uknak an lak hnu in mizapi nikhat hmanh nuam kho loin um asi. Mizapi hna dai tein duhnak langhternak hna zong thinlung tha lo he kahthah, tlaihkhih le vuak in pohma a phunphun in thonginn chungah chiah in tazacuai nak an tuahnak hi thla 8 tiang a phan cang.

Atu ah ralhrang hna nih mizapi umnak hmunhma, Biakinn hna le siizung, sianginn hna ah hmunhma khuar in mizapi cu thihphaihnak le thahnawnnak an tuah pin ah thilri zong duhpaoh in chuh le inn le lo hna zong meiduah tibantuk thiltha lo an tuahmi cu vawlei cung pumpi theih asi dih.

Mizapi nih si khawh chungin intuar asi nain thiltha an chuahpi lo caah ralhrang hna cu a phunphun in dohlonak langhter asi.

Cucaah National Unity Government nih tuanvo ngeih asi bantukin mizapi nunnak le humhimnak caah a tanglei hi kan rak langhter.

1. September 7 in ralhrang dohnak, mizapi dohthlennak thok cang asi.

Dohthlennak hi mizapi dohthlennak asi caah Myanmar ramchung hmunkip ummi nih Min Aung Hlaing hruaimi uknak cu ramchung dihlak nih tlaulak in doh dih ding.

2. Mizapi rungveng phu hna nih mah umnak hmunhma cio in ralhrang le a phu hna cu kahdohnak he tlaihhren ding.

3. Ralhrang rianpek mi poah nan rian chuahtak dih ding.

4. PDF hna nih mizapi nunnak le humhimnak caah ralring tein zohkhenh ding.
Cunglei riankhinh ning tein zulh ding.

Mizapi rungveng phu nih an thanhmi ralkong he pehtlai in suaisam mi discipline zulh ding.

5. Mizapi rungveng phu hna zong nih kan khua cio ah mizapi humhimnak ca he riantuan ding.

6. Mizapi hna nih tuni thok in a herhlo ah khuatlawn nak tuah lo ding, mah humhimnak caah ralrin ding. A herhmi sii-ai rawl timhcia ding. Mizapi rungveng phu hna zong sikhawh tawk in bawmh ding. Ralhrang cawlcanghnak kong mizapi runveng phu nih thawngthanh ding.

7. Tlangcung hriamtlai phu hna nih Min Aung Hlaing le ralhrang hna cu a phunphun in doh ding. Mah hmunhma tha tein kilven ding.

8. Ralhrang uknak le ukning pawl hna cu mizapi nih dohding. Hmakhat ah mizapi uknak thlen khawhnak ding caah mizapi nih naihniam tein ruahnak cheuh ding.

9. Ralhrang hlenthawinak ai foih sual mi ralhrang kuttang um BGF hna le Mipi ralkap dihlak tuni thok in mizapi he hmunkhat ah raldoh ti ding.

10. Dohthlennak hi a dikmi le ai ruangmi dohthelnnak asi. Caan saupi daihnak hmu mi ramsernak ding caah a herhmi dohthlennak asi.

11. Kan ram nih a herhmi kan tuanmi asi caah ram hawi hna, Asian ram dihlak, UN le ramkip nih theihthiam ding zong zumhnak kan ngei.

12. Mizapi dohthlennak thok asi cang caah Min Aung Hlaing hlenthawinak tangah riantuantu hna nih mizapi riantuannak he fonh in PDF he pehtlaihnak tuah in hmunkhat ah fonh ding.

National Unity Government, minister hna sinah a rannak in thawngthanhnak tuah ding.

13. Tuchun thok in ralhrang kuttang ah hohmanh riantuan in zungkai lo ding in ralrin pek asi.

14. Dohthlennak ah inn lo chuahtak in le harsatnak a tongmi miral tha hna, rampi nih theihpi peng asi.

Mizapi cawlcanghnak cu khuate he khuapi he, ram pumpi ah tuah asi. Mizapi hmunkhat ah tanrualnak, thluak thatnak le thinlung thawnnak cungah hngatchan in dohthlennak caan tawite ah a dih lai.

Uknak latu Min Aung Hlaing uknak cu Myanmar ram in a dongh tiang hlonh in a dai mi le Tlangcung mi mizapi dihlak nih ruahchanmi kan covo le tlukruannak Federal Democracy uknak ah thlen in Myanmar ram zong ramkip nih upat mi ram ah thlen asi lai.

Ref:KhitThitMedia

Be the first to comment

Leave a Reply

Your email address will not be published.


*