Ralhrang Nih Mizapi Rungveng Phulak Dalaan An Chiah Tiah KNU Ralrin Pek

KNU hmunhma chungah a phanmi NUG telh in dohthlennak phu hna, KNU karlak ah theihthiamnak umlo dingin a phunphun thil a thli tein an tuah, asi nain ralhrang uknak doh dingin tuan ah kan palhnak hna zong remh than bu in, ralhrang hna hmunkhat te ah doh dingin KNU cunglei in chungtel asi mi P’Doh Saw Thamain Tun nih forhfialnak a chim.

“Ralhrang nih an minung hna thlah in kan mah Terroists si ding, hnachehnak chuak dingin tuah, cu hnu ah mah ruang ah ralhrang kan lut tiin chimding an i tinh. NUG le KNU karlak ah ruahnak khatlo dingin tuah, NUG lei zongin an tlamtlinlonak um ve, thuh dingmi zong an thuhlo mi a um, an mah lawng silo in kan mah zong kan si tawn ve. Lungrual tein um uh. Hmunkhat ah nam ti in ai thawn khawhnak dingah kan tlamtlinlonak kharemh ve hna usih. Thawngpang chuahter ding le chuahter lo ding zong ruat bu tein tuah hna usih” tiah a chim.

Tulio KNU hmunhma chungah CDM tuahmi hna le ralhrang hna sikhawh ning in a dohtu hna hmunhma khuar in an rak i dor bantukin KNU zong nih ralhrang a dohtu mizei phu he poah kan tanpi hna lai tiah September 4 ah an thanh.

” Cheukhat khuachung ah duhlonak langhternak ah nunnak pe mi an um, cheukhat khua hna ah um kho loin hriamnam tlaih in a dohtu an um, cheukhat media in an dohtu an um, zeitin doh poah ah kan dohmi kan ral cu ai khat dih, kan mah bantuk ruahnak khat, duhnak ai khat tu hna nih kan ral hna cu asi khawh ning cio in dohmi poah kan cohlan dih, bawmh khawh tawk zong kan bawmh hna lai. Mizapi hna nih mah si khawh tawk in doh cio hi kan duhmi asi. Mah bantuk mizeipaoh hawi ah kan i ser lai” tiah KNU in cunglei nih an chim.

Cupin ah tuanbia ah a cangmi a palhmi pawl hna remh than in Myanmar ramchung ah ralhrang uknak a dih in a daih nak ding lungrual tein tuan ti dingin a herhnak zong P’doh Saw Thamain Tun nih forhfialnak a chim.

Ref:Khit ThitbMedia

Be the first to comment

Leave a Reply

Your email address will not be published.


*