Phaikhua Khuami Hna Nih COVID-19 Pulrai He Pehtlai In Runvennak Tuah

Thantlang peng, Phaikhua khua cu Covid-19 he pehtlai in July, 14 thok in i runvannak le i zohkhenhnak an tuahthok tiah thawng kan theih.
Hi runvennak an tuahmi chungin, khualuhnak le khuachuahnak in mino hna nih tuanvolak in nifatin gate pakhat ah minung pahnih in kan hngah. Zulhphung zong kan ser i a zul lomi le nawl a buarmi hna cu, minung pakhat ah Ks.50,000 le khuachung ah Saikal dir a ngahlo bantukin, a dirter mi cu Ks. 100,000 liamter an si. Khuachung mi nih khualtlawng in ( Hakha, Thantlang ) a kalmi cu zarh hnih chung lengchuak loin, Quarintein ah kan chiah hna. Atu zong hi minung pakhat kan chiah i midang chiah dingmi chungkhar pakhat zong an um rih tiah khuami pakhat nih The Chin Now sinah a chim.
Mah Covid-19 pulrai he pehtlai in runvennak kan tuahmi hi ramdang ah a ummi kan unau hna bomhchanhnak le forhfialnak asi hlei ah a herhhai mi, Covid test nak le APP form le a dangdang zong an kan bomh. July, 14 in kan thok i August 15 tiang asi lai. Mah hnu hi cu thil sining hoih in asi than te lai tiah a biapeh ah a chimchap.
The Chin Now
July,28,2021

Be the first to comment

Leave a Reply

Your email address will not be published.


*