I Remh Țhan Khawh A Si Ti Lomi Palhnak…by Salai K. Biak Lian Thawng

I Remh Țhan Khawh A Si Ti Lomi Palhnak…by Biak Lian Thawng
Palhnak kan timi hi phun hnih in a um. Cucu, “I remh țhan khawh a simi palhnak le i remh țhan khawh a si ti lomi palhnak,” an si.

Lord Jesus Christ, help us to grow in the know-ledge of God - UCA NEWS
Kawl nih an phungthluk ah “Ma hma daw sehne, ma te daw se ta ma” (မမှားသောရှေ့နေ မသေသောဆေးသမား) tiah an ti.
A sullam cu sihni zong an palh kho i siibawi te zong an palh kho ve i an thi kho ve tinak a si. Biaceihtu sihni nih cun phungning tein bia a ceih ding a si nain zal chung tangka duh ruangah maw asiloah thil dangdang ruangah a si lo ning piin bia an ceih tawn i an palh tawn. Sualnak a ngei lomi tu hna kha sualnak ngei ah an chiah tawn hna i thong kum saupi tla dingin biachahnak an tuahpiak tawn hna.
Siibawi te cu mizaw an dam nakhnga a thloptu an si, thihnak khur chungah a lut dingmi kha damnak an hmuh i an nun țhan nakhnga chanhchuahtu an si. Asinain mi thloptu a simi siibawi te zong an thi ve țhiamțhiam ko. Siibawi te zong mizaw an thlopnak ah an palh tawn ve i ruahlopi in mizaw kha an thi tawn ve. Ka dam lo ai tiah siibawi i zohter dingah a kalmi mizaw zong khi siibawi te an palh ruangah kal leiah cun ke in an kal nain lawi leiah cun puak bu le zawnh bu hna in an lawi tawn.
Ngakchia ka rak si lio ah hin ni khat cu ka dam lo i ka pa he siibawipa sinah kan rak kal. Siibawipa nih ka zawtnak a ka chek dih hirhiar hnuah sii a ka chunh i minit pakhat hmanh a rau lo. Ka lungmit, ka mitmui, hehchat ka luak ciammam i ka pa nih puak buin inn ah a rak ka lawipi. Kan kal leiah cun ke in kan kal ko nain siibawi te nih sii chunh an i palh ruangah kan lawi leiah cun puak buin an ka lawipi țhan.

As a Black Child in Los Angeles, I Couldn't Understand Why Jesus Had Blue  Eyes - The New York Times
Minung cu ahohmanh palhnak he aa țhen kho lomi kan si. Palhnak kan ngei dih, mi zeihmanh a tlamtlingmi kan um kho lo. Kei cu palhnak ka ngei lo, zei ka tuahmi paoh ah ka hmaan peng ko, ka palh ballo a timi minung vawlei cungah kan um lai lo. Palhnak a ngeimi lawng te kan si. Palhnak kan tuahmi tu hi i remh țhan khawh a simi le i remh țhan khawh a si ti lomi tiin an um. Kan nunnak ah remh țhan khawh a si ti lomi palhnak hna kan tuah sual maw?

Who Was Jesus, the Man? | Live Science
Kan palhnak hna hi hmailei kar kan hlan nakding ah lam a kan hmuhsak i fim a kan chimtu si hna seh law nifatin kan nunnak le kan thil tuahsernak ah palhnak a tlawm deuh hnga i, i remh țhan khawh a si ti lomi palhnak tuah a tlawm deuh suaumau ko hnga. Voikhat cu hawi he bia kan i ruah lioah i remh țhan khawh a simi palhnak le i remh țhan khawh a si ti lomi palhnak kong ka lung ah a hung chuak. Kan hawipa pakhat nih cun, “Palhnak paohpaoh hi i remh țhan khawh an si. I remh țhan khawh a si ti lomi palhnak timi a um kho lo,” tiah a ti. A si ah palhnak paohpaoh hi i remh țhan khawh maw an si taktak ko hnga? I remh țhan khawh a si ti lomi palhnak tampi a um ko.

Was Jesus Married? Did Jesus Have Siblings? | Bible Questions
Tahchunhnak ah: Mipa pakhat cu hmun dang ah a um, khua ah a ummi a nu kha a zaw i a zual tuk. Ra tlung zokzok law, na nu a zual tuk i a hmurka te hmanh na chawn manh sual lai lo, na ra tlun zokzok lo ahcun tiah bia an cah. Thawng a thei ko nain zeihmanh a cang hraw lai lo, a dam țhan ko lai a ti i tlung duh loin a um. Sihmanhsehlaw a rau lo a nu cu a thi colh. A nu thih thawng a theih tikah cun a tlun duh lomi kha aa ngaichih tuk. Thawng ka thei ko nain ka tlun duh lomi cu ka palh tuk ko mu a ti len. Asinain zeitluk in ka palh a ti ko hmanh ah a nu a dam lo lio i a thi lai ti thawng a thei ko nain a tlun duh lomi ruang i a palhnak kha zeitikhmanh ah i remh țhan khawh a si ti lomi palhnak cu a si.

35 Jesus Christ Facts You May Not Know | FactRetriever
Atu lio cu Covid-19 zawtnak a karh lio a si. Mino thisa a țhami hna caah cun zawtnak an tei khawh i zeitihmanh in an um leem lo. Tar le khai hnu le thisa a tlawmmi hna le dam lomi hna le kumkhua upa cangmi hna caah cun zawtnak a langh a fawi i an tuarning zong a fak khun i a thimi zong an tam deuh. Cucu thisa a cakvakmi mino pawl nih hi zawtnak tham cu kan lalh khawh ko, cumpi tlangrai sawhsawh bantuk men dawh a si ko cuh tiin nawl ngai duh loin mibu umnak zapi lakah an chuak lut lengmang. Anmah nih cun zawtnak hrik an tei khawh, nain zawtnak țih ruangah leng hmanh chuak ngam loin inn ah a ummi thisa a ngei ti lomi kumkhua upa cangmi an pi le an pu le an nu le an pa hna kha Covid-19 zawtnak cu an chawnh hna. An thisa a der cang ruangah covid-19 zawtnak in an thi beh.

5 Evidences That the Resurrection of Jesus is Not a Fairy Tale | Proof of  Jesus' Resurrection - Beliefnet
Cucu fale nih keimah nawl ngaih lo ruang le chimhngaih lo ruangah a si. Ka palh tuk, keimah ruangah ka chungle an thi. Keimah palh a si tiah lungfak in kan țah len zongah zeihmanh san a tlai ti lo. Cucu i remh țhan khawh a si ti lomi palhnak a si. Zeihmanh a si lai lo tiah daithlang ngai le khua tuaktan loin kan ummi le thil kan tuah tawnmi nih a hnuah i ngaichihnak le i remh țhan khawh a si ti lomi palhnak kan tuah tawn.

Is Jesus based on pagan gods? - The Irish Catholic
Cucaah cun zei kan tuah hmanh ah ka tuahmi thil hi i remh țhan khawh a simi palhnak maw a si asiloah i remh țhan khawh a si ti lomi palhnak dah a si ti hi kan ruah zungzal dingmi cu a si. Kan tuahmi sual palhnak hna hi kan zoh țhan lengmang lawngah i remh țhan khawh a si ti lomi palhnak tuah a tlawm deuh suaumau lai.
Dinnak kha a cat lomi tiva bantukin luanter camcin ko u (Amos 5:24).
Salai K. Biak Lian Thawng

JESUS - English

source; Biak Lian Thawng’s fbpost

Be the first to comment on "I Remh Țhan Khawh A Si Ti Lomi Palhnak…by Salai K. Biak Lian Thawng"

Leave a comment

Your email address will not be published.


*